அனைவருக்கும் பிடித்தமான KFC ஃப்ரைடு சிக்கன் வீட்டிலே செய்யலாம்..
தேவையான பொருட்கள்:சிக்கன் கால் பகுதி - (பேபி சிக்கன்என்றால் நல்லாயிருக்கும்) 4. (இதனை நன்றாக சுத்தம் செய்து முள் கரண்டி வைத்து அங்கங்கே குத்தி வைக்கவும்) கத்தி வைத்து கீற வேண்டாம்.
எலுமிச்சை சாறு - 1/2 மூடி
மிளகுத்தூள் - 5ஸ்பூன்
மிளகாய்த்தூள் - 1ஸ்பூன்
உப்பு - தேவைக்கு
சிக்கனுடன் எலுமிச்சை சாறு , மிளகுத்தூள் , மிளகாய்த்தூள் , உப்பு சேர்த்து விரவி 1 மணி நேரம் ஊற வைக்கவும்.
பிரட்டி வைக்க::
மைதா - 1 கப்,
ரஸ்க்தூள் -1/2 கப்,
அரைத்த வெங்காயம் - 3ஸ்பூன்,
பூண்டு பேஸ்ட் - 2ஸ்பூன்,பெப்பரிக்க பவுடர் - 1/2ஸ்பூன்
மிளாகாய்த்தூள் - 1/2ஸ்பூன்
மிளகுத்தூள் - 2ஸ்பூன்,
உப்பு - தேவைக்கு
எண்னெய் - பொறிக்க தேவையான அளவு
முட்டை - 2
பால் - 2ஸ்பூன்
ஒரு பவுலில் முட்டையும் பாலையும் கலந்து நன்றாக மிக்ஸ் செய்து வைக்கவும்
மேலே பிரட்டி வைக்க வேண்டிய பொருட்களை எல்லாம் வேறு ஒரு பவுலில் கலந்து தனியாக வைக்கவும்.
பிரட்டி வைத்த மைதா கலவையில் ஊற வைத்த சிக்கனை நன்றாக பிரட்டி எடுக்கவும்.
பிறகு அதே சிக்கனை முட்டை கலவையில் முக்கவும்
மீண்டும் இதனை மைதா கலவையில் பிரட்டவும் இப்படியே எல்லா சிக்கனும் பிரட்டி தனியாக ஒரு 10 நிமிடம் வைக்கவும்.
ஒரு வாணலியில் நன்றாக எண்ணெய் சூடு ஆன பின்பு ஓவ்வொரு சிக்கனாக போட்டு மிதமான தீயில் நன்றாக பொறிய விடவும்.
கரண்டியால் திருப்பி போட்டு வேக விடவும்.
குறைந்தது 10- 12 நிமிடங்கள் மிதமான தீயில் பொறிய விடவும்.
அதிக தணலில் வைத்தால்சிக்கனும் கருகி விடும். உள்ளேயும் சிக்கன் வேகாது.